Tun karah Mi 5X tichhuak dawn
Mi Max 2 an tihchhuah hnu lawkah Xiaomi chuan Mi 5X chu tun kar hian an tichhuak dawn niin an sawi.
Mi 5X an tihchhuah hun tur hi July 26 nia sawi a ni a, Xiaomi hian Twitter aṭangin an nemnghet nia tarlan a ni bawk. A hmai hi inchi 5.5-a hlai tur a ni dawn a, full HD a ni ang. Snapdragon 625 SoC a hmang ang a, a RAM hi 4GB tura rin a ni a, MIUI 9 hmang nghal tura beisei a ni bawk. Camera hi a hnung lam bikah 12MP awm tura beisei a ni a, dual-LED flash leh thil hrang hranga thuam a ni ang. Storage hi 32 GB tura beisei a ni.