Chester vangin Blink-182-in concert tur an ṭhulh

Blink-182 chuan an concert tur chu Chester Bennington thihna avang­in an ṭhulh tih an sawi a, a tel lo chuan he concert hi tihhlawhtlin chi a ni lo an ti.

Blink-182 leh Linkin Park te chu New York-a Queens-ah leh, Pennsylvania-a Hershey-ah te concert tur an ni a, an concert tur hi ‘BLinkin Park’ tih a ni. Mahse Chester Bennington a thih avangin an ṭhulh. Mark Hoppus, Travis Barker leh Matt Skiba te chuan, “Chester Bennington-a’n min kalsan hi kan tan chuan a na hle. A ta­lent ropui tak leh aw nalh tak tel lo chuan BLinkin Park hi tih theih loh tluk­ah kan ngai a ni,” an ti.

Linkin Park pawhin a hmain North America-a tour an neih hmabak chu an ṭhulh vek thu an lo puang tawh a, ticket lo lei tawhte tan pawn thleng leh theih a nih thu an sawi.