‘Despicato’ hla Venezuela sorkar hman an phal lo

South America-a ram buai tak Venezuela-ah chuan tunlaia hla lar ‘Despacito’ chu sorkar lamin propaganda ang reng­a a hman avangin he hla neitu pahnih - Luis Fonsi leh Daddy Yankee te an lawm lo. Venezuela sorkar hnenah an hla chu hmang tawh lo turin an hrilh.

Venezuela-ah hian an president, Maduro chuan thuneihna pumhmawm a tum a, chumi tur chuan an danpui pawh a siamtir nia sawi a ni. Hemi duh loh avang hian Vene­zuela mipuiten hun rei tak chhung chu nawrh an huaihawt tawh. Maduro hian tunhnai khan ‘Despacito’ hla chu a thu ṭhenkhat ama duh dan anga thlak danglamin, an constitution chu hnial­kalhin dodal mah se, a keng tlang dawn tih sawi nan a hmang a, hei hi Luis Fonsi leh Daddy Yankee te hian an duh lo hle.

Puerto Rican mi Fonsi chuan Instagram kal­tlangin a sawisel nghal a, “Ka music hi a duh apiang ngaihthlak theih leh enjoy tur a ni a, zalenna suala au chhuak mekte rilru tikawi tura hmanruaa hmanerawh ka phal lo,” a ti.