PUC music video-ah zaithiam lar

Pachhunga University College chuan Mizorama music video sei ber tura ngaih, minute 12 zet awh tur an siam a, an ti­chhuak thei dawn ṭep ta. He music video-ah hian zaithiam lar tak tak, PUC-a kal mekte an zai.

PUC music video siam hi PUC Various Artists ‘Zoram Rohlu PUC’ tih a ni a, Duhsaki, Hlimhlimi, Rebecca Zorintluangi, Awmawmi, Cindy Lalthanpuii, Wendy, Sangtei Khawlhring, Vanlalnunpuia, F. Lalremruata, R. Lalhmingmawia, Saiawmpuia, Lalhruaitluanga te an zai. ‘Zoram Rohlu PUC’ tih hi H. Laldinmawia, PUC-a Asst. Professor phuah a ni a, a thluk hi Manase Saphmingthanga leh BZA te siam a ni. Kings and Prophets Recording Studio, Ramhlun North-ah an record a, music hi Lal K. Sailo siam a ni thung. Aerial Shooting hi Frederick Mazuala kutchhuak a ni a, video hi Leitlang Pictures kutchhuak a ni.