Hot 100 roreltu Nicki Minaj

Trinidadian-American rapper Nicki Minaj chuan kum thum chhunga a solo single hmasa ber 'Super Freaky Girl' chu August 12 khan a tichhuak a, Billboard Hot 100 chart-ah pakhatna a nihpui nghal.

August 12-18 inkar khan 'Super Freaky Girl' hi US-ah chuan vawi maktaduai 21.1 lai stream a ni a, tunlaia hla hit chho tak Harry Styles 'As It Was' pawhin a tluk zo lo a ni. Lizzo 'About Damn Time' chu pathumna niin Beyonce hla hit 'Break My Soul' chu palina a ni a, Kate Bush 'Running Up That Hill (A Deal With God)' chu pangana a ni thung.

Billboard 200 chart lamah pawh roreltu thar awmin Rod Wave album thar ‘Beautiful Mind’ chu pakhatna a ni. Megan Thee Stallion pawhin album thar 'Traumazine' tihchhuak ve bawk mah se Billboard 200 chart top 5-ah a inhlankaipui pha ṭawk a ni.

Rod Wave hi Artist 100 chart lamah pawh pakhatna a ni a, Bad Bunny chu pahnihna niin Nicki Minaj chu pathumna a ni ve bawk.