'Glass Onion: A Knives Out Mystery' tlangzarh hun tur chu!

'Knives Out' chhunzawmna 'Glass Onion: A Knives Out Mystery' chu December 23-ah Netflix-ah tlangzarh a ni dawn.

Netflix streaming platform lama tlangzarh a nih hma hian 2022 Toronto International Film Festival, September-a neih turah premiere a ni hmasa dawn a, chumi hnuah chuan theatre thlan bikah chhuah a ni bawk ang.

Netflix hian movie ṭhenkhat chu ni 45 chhung theatre-ah an chhuah phawt ṭhin tawh dawn nia tarlangin 'Glass Onion' hi an bulṭanna tur a ni. Daniel Craig chu a inlan leh dawn a, film star lar tak tak- Edward Norton, Janelle Monáe, Kathryn Hahn, Leslie Odom Jr., Jessica Henwick, Madelyn Cline, Kate Hudson, leh Dave Bautista-te pawh an chang a ni.