Wonder Woman 2 buaipui

Wonder Woman a hlawhtling a, mite beisei ang ngeiin Wonder Wo­man 2 tur pawh buaipui ṭan a ni tih puan a ni. Wonder Woman 2 script pawh hi an ziak tawh nia sawi a ni a, hei bak chanchin dang erawh a tam rih lo hle. Director-ah Patty Jenkins bawk a ni ang em tih a la hriat loh a, Gal Gadot chan tur thu erawh chu a awm tawh. Mite rilrua lo lang nghal chu Gal Gadot a chang leh a nih chuan a hlawh hnem tawh ang em? tih hi a ni. Hmeichhia a nih avanga hlawh tlemtir anga sawi kha a hma khan a lo awm tawh a, chuvang chuan hlawh zat chungchang hi an ngaihven riau.

Warner Bros chuan Wonder Woman tih­chhuah hun tura a rua­hmanna pawh a puang chhuak a, US-a tihchhuah hun atan December 13, 2019 a ni ang.