Justin Bieber-a tour tihtawp chhan Krista vang! Bieber-a’n ‘Isua’ dem lo turin a fan-te a chah

Justin Bieber chuan tour a neih kal lai chu a taksa chauh lutuk avangin a cancel tih a puang a, a fan-te an lungawi loin, ṭhenkhat chu an beidawng hman viau. He thu a puan hnu lawk hian khawvel huapa entertainment lam chanchin ziahna rintlak berte zinga mi, TMZ chuan Justin Bieber-a’n a tour kal lai a tihtawpna chhan chu sakhuana thil vang niin a tarlang.

TMZ-in a tarlan dan chuan Justin Bieber hian a chauh thu a chhuanlam avanga concert ṭhulh a nih thu tarlang loin, a tour ṭhulh chhan chu ‘Krista hnena a nun a hlan thar leh vang a ni’ a ti. Bieber-a fan-te an lungawi loh lai taka sakhaw thila a tour

ṭhulh anga tarlan a ni chu Bieber hian a fan-ten Isua Krista chu an sawichhia ang tih a hlau a, Isua chu dem lo turin a chah.

TMZ-in a tarlan dan chuan Justin Bieber hian a chau chu chhuanlamah a hmang mai mai a ni a, a crew te pawhin an ring lo a, tunhnai lawkah party leh intihlimin a hun a hmang nasa a ni tih thu a ziak a, a tour cancel chhan ber hi a nun Krista hnena a hlan vang a ni a ti.

Justin Bieber chuan TMZ thuchhuah avang hian a fan-ten Isua leh sakhuana an sawichhia ang tih a hlau a, a fan-te hnenah ‘Isua chu mawhpuh suh u’ (don’t blame Jesus) tiin a sawi chhuak a, he thu hi TMZ pawhin a hnuah a tarlang leh tho. Bieber chuan kum hnih chhung ngawt tour a nei tawh a, a taksa a chau tawh a, chuvang chuan a chawlh a ngai a ni a ti.