2AM a kehdarh a ni lo

K-Pop boy band 2AM chu a kehdarh angin mi tam takin an ngai a, a la keh­darh lo a nia. Amaherawhchu he boy band member-te hian JYP Entertainment hnuaia an contract erawh a tuaithar lem lo thung.

Seu Long, Jin Woon leh Lee Chang Min te chuan JYP Entertainment hnuai­ah hian contract an ziak thar leh lo a, chumi avang chuan 2AM hi an kehdarh tihna a ni lo. Jo Kwon chu JYP hnuaiah a la awm a, ani hian an kehdarh lo tih hi sawi chhuakin, 2AM hi tuaithar leh an duh hun hunah an kir leh thei a ti.

Jo Kwon chuan, “Tunah chuan agency hrang hrang hnuaiah kan awm tawh a, keimah chauh hi JYP hnuaia awm chhun ka ni rih. Kan awmna agency te ṭheuh hi a hmain kan be lawk a, 2AM hi tuaithar leh kan duh hun huna kan duh ang min tihtir turin kan hrilh lawk vek, tunah chuan a hun a la thleng lo mai a ni,” a ti. JYP pawhin hetiang chiah hian a hmain a lo sawi tawh bawk.