Bieber-a tour tihtawpah kohhran a inrawlh lo

TMZ-in sakhuana avangin Justin Bieber hian a tour neih lai a titawp ni anga a tarlan hnu khan sawizui a tam leh ta riau a, Justin Bieber-a kohhran pawhin thuchhuah siamin, titawp turin an hrilh lo mai ni loin, Bieber-a tour programme-ah hian an inrawlh lo tih an sawi.

Justin Bieber hi Hillsong Kohhrana inkhawm ṭhin a, Hillsong Kohhran pasator, Carl Lents chuan Bieber-a chungchang hi sawi chhuakin, a tour neih lai ṭhulh turin an hriattir lo mai a ni lo a, chutiang lam thil engmah an sawi lo. A tour hi chhunzawm turin thurawn an pe zawk nghe nghe niin a sawi.

Amah Justin-a ngeiin sakhuana lam thil vang a ni lo tih a sawi a, a lawina kohhran pastor-in a sawi leh tawh bawk a, mahse mi tam tak chuan Justin Bieber-a’n a tour a cancel chhan hi sakhuana nena eng emaw inkaihhnawihna awm ngei chuan an ring. Thlarau lam hahchawlhna a zawn vanga tour hi cancel niin an ngai fur tho.