Synod Choir music video thar tlangzarh

Nizan khan Synod Choir music video thar ‘Krista leh Kohhranah’ tih chu tlangzarh a ni. Mizoram Synod Choir music video thar hi Synod Revival Director, Rev. K. Rolungmuana’n Pathian hnenah hlanin a tlangzarh.

‘Krista leh Kohhranah’ hla hi July 9 zana Zarkawt Kohhran Biak Ina Synod Moderator-in Synod Revival Ram Pum huap Beihpui a hawn tak puala Synod Choir conductor, Lallianmawia Tlau-in a phuah a ni. Ace Recording Studio, Khatla-ah voice record a ni a, video hi RDS Shot kut­chhuak a ni. Music track hi Eric-a, Electric Veng siam a ni. Mizo lungkuai lam chi, kan ram leh hnam dam nan chuan thil dang zawng aia Krista Chanchin Ṭha ngaih pawimawh hmasak a ṭulzia leh, thildang chu a hnu­hnunga dah thiam a ṭulzia au chhuahpuina hla a ni.

Tuna Synod Choir term kal lai mek hian nikum khan ‘Isu ka hmangaih che’ tih hla single-in an lo tichhuak tawh bawk a, TV leh YouTube-ah te dah a ni. Tuna hla thar an tihchhuah pawh hi YouTube leh TV lamah dah luh nghal a ni. Synod Choir hian album an siam mek a, nakkum, kum 2018 KṬP General Confe­rence-a tlangzarh hman turin peih a ni ang.