Girls’ Generation album tur kim chang

K-Pop girl group hlawhtling, Girls’ Gene­ra­tion chuan August thla hian kum 10 an tling dawn ta a, an kum 10 tlin lawm nana album an tih­chhuah tur pawh kimchang zawkin an puang chhuak.

Girls’ Generation album thar tur hi ‘Holiday Night’ a ni a, August 7 hian an ti­chhuak ang. Hla 10 a awm dawn a, chung zingah chuan ‘All Night’ leh ‘Holiday’ te pawh a tel. Tuna an album thar tur hi Girls Generation studio album parukna tur a ni a, ‘Lion Heart’ album, kum 2015-a an tihchhuah hnua an studio album hmasa leh ber tur a ni.

Kum 10 tlin lawmna pual hian August 5 khian Seoul Olympic Hall-ah an fan-te nena inhmuhkhawmna ‘Holiday to Remember’ an buatsaih ang a, hetah hian an hla thar ṭhenkhat chu an tichhuak lawk dawn a ni. Hetihlai hian show chi hrang hrangah an lang dawn bawk a, chung zingah chuan ‘Happy together’ leh ‘Running man’ show te pawh a tel.