U Got Talent buatsaih dawn
Zai emaw lâm lamah emaw talent ṭha tak i nei a nih chuan U Got Talent buatsaih tur hi hmaih chi a ni lo ang. He intihsiakna hi September thlaa neih tur a ni a, pakhatnain Rs. 50,000 a dawng ang a, runners up mi pali tan Rs. 10,000 ṭheuh a ni ang.
U Got Talent-a tel duhte tan chuan August thla chhungin Zonet Office, Zarkawt; The Good Life, Bara Bazar bus stand bul; Pipi Fashion, Millenium Centre gound floor leh Crescendo School of Music, Mission Veng aṭangin lak chhuak theih a ni a, thehluhna tur hi Zonet Office leh Crescendo School of Music-ah te niin, August thla chhunga thehluh tur a ni.
Zai tur chuan mahni zai ngei demo kha Blue Wave Recording, Chanmari West-ah theh luh tur a ni a, demo nei remchang lo chuan 9436153063-ah biak theih a ni a, Whatsapp hmang chuan 8118911091-ah contact theih a ni. Elimination Round neih nghal a ni ang a, chuta tlingte chuan Main Event Round an lut ang.
Lâm entir tur chuan Alan Rinawma, Mizo Dance Camp, phone no. 9958787516-ah engkim zawh fiah theih a ni. Alan-a hnenah hian elimination neih tur a ni a, chuta tlingte chu main event lut nghal tur an ni.
Intihsiakna hi ṭum thum chauh neih tur a ni a, heta tel tur hian kum bithliah a awm lo a, intihsiakna tur hmun hi Ignite Studio, Khatla a ni. Contestant pakhat hun hman rei zawng hi minute 3 pel lo tur a ni.
He intihsiakah hian zai leh lâm chauh ni loin, thiam thil eng emaw bik nei tan chuan a tel theih vek a ni. Magic, card trick leh talent danglam deuh neite pawh an leng vek a, tel duhte chuan phone number tarlanah te hian zawh chian theih a ni.