YK Offical presents ; HUAPZO RIMAWI concert zaninah

Khawvel Music Industry-ah rap/hiphop music in hmun a luah a, khawi emaw chart zawng zawng deuhthawah dinhmun sang tak tak an hauh vek lai hian; Mizo Rimawi khawvelah pawh, programme/concert ṭum khata Mizo Zaithiam/Rapper inlan tam ber hun a ni mai lo ang maw?

Zanin hian Vanapa Hall-ah concert ropui tham tak YK Official-in an buatsaih dawn a, tunlai zaithiam lar ber ber an inlan dawn bakah Mizoin DJ kan neih tlem te zinga mi Kimochi a che dawn bawk.

Tute nge zai dawn?
Mizo ṭhalai zingah tunlaia rapper tla-na ber zinga mi Young Fella a inlan dawn. Chu ringawt pawh chu concert kalna tham a tling. Chutah, tu nge a nih sawi hranpa ngai lo khawpa ṭhalaite'n an lawm; JH Peka a zai dawn bawk. Chumai a la ni lo! 'Ṭhian' hitmaker SaiWanah leh Henz pawh an inlan dawn. Chu chuah a la ni lo cheu! Tunlaia Zofate'n kan atchilh rawn Omomi Khiangte pawh a zai dawn.

Lil Kiki, Lesky Hype, Mendal, S dawg, Richie Fanai, Hex da Marshall, Juan Angtea, Muffy Hauhnar leh Smiley-te pawh an inlan dawn bawk. Hip hop/pop music tuipuitu inih chuan zanin hian Vanapa Hall pan tawp mai rawh, i tisual lo ang.

Chuti chuan...
Ticket man pawh a to dawn lo. Rs. 300 man chiah a ni dawn a, online-in Gpay no: 8794165952-ah i pe thei a, chu chu i screenshot anga ph: 7642815079-ah i thawn tawp mai dawn nia.

Hard copy-a i lei duh a nih pawhin Chanmari, San Adhi Building, 3rd Floor-ah a lei theih a, Maubawk Royal School bulah leina tur a awm bawk a, YK Solar Dawr, Upper Khatlaah a lei theih dawn bawk. Heng bakah hian a hmunah pawh an chhawp chhuak dawn bawk a ni.

Zan dar 7-ah gate hawn a ni dawn a. Hripui len vangin hun rei tak chhung hetiang show lian tham hi siam theih a ni lo bawk a, tunah chuan duh ang takin Vanapa Hall lamah a sapatal theih tawh dawn e.