Fiona Pachuau-in digital album a tlangzarh

The Chosen vocalist Fiona Pachuau chuan Zirtawpni khan a digital album hmasa ber 'Min Chawlhtir Rawh' chu a tlangzarh.

Fiona album tharah hian hla pasarih a awm a, single-a a tihchhuah tawh hla pali bakah hla thar pathum Immanuel Ropui, Tlang Mawi Tak Chu A Awm(Live) leh Chhandamtu Nung Rawng Ka Bawl a dah thar bawk a, Fiona zai ngainatute tan chuan ngaihven ran chi a ni ang.

'Min Chawlh Tir Rawh' hi strea­ming platform hrang hrang Spotify, iTunes, Apple music, Google play, YouTube leh Amazon prime music-ahte ngaihthlak theihin a awm tawh. 

A album title 'Min Chawlh Tir Rawh' hi kum hnih liam ta velah khan music video a tichhuak tawh a, thlirtu pawh nuai hnih chuang a nei tawh a ni. Hei bakah hian I Hming Chauh, A Hnen Rawn Pan La leh Lungngaihni leh Lawmlaini-te hi music video a lo tichhuak tawh bawk. Tlang Mawi Tak Chu A Awm hi nikum lam Ṭhutmuan Rimawia a sakna kha YouTube-ah dah a ni bawk a, hei pawh hian thlir a hlawh hle.

'I Hming Chauh' tih hi Ṭhazual Chart-a No.1 a nihpui tawh kha a ni a, nikuma a tihchhuah 'Krista A Lawmna' kha Ṭhazual Chart-ah No.1 nihpui tawh thoin, he hla erawh hi chu a album tihchhuah tharah hian a dah tel lem lo a ni. 

1    Min Chawlhtir Rawh

2    I Hming Chauh

3    Immanuel Ropui

4    A Hnen Rawn Pan La

5    Lungngaihni leh Lawmlaini

6    Tlang Mawi Tak Chu A Awm

7    Chhandamtu Nung Rawng Ka Bawl