ZRI charity group che chhuak lo

Zo Ri-mawi International (ZRI) Charity Group chuan thuchhuah siamin tun­hnaia an pawl hminga MZI hnuaia awm anga insawia, Task Force Duty-te kawmna hun hmanpui tuma che chhuak awm chu anmahni an nih loh thu an tarlang. 

ZRI Charity Group chuan MZI emaw pawl dang emaw hnuaia awm an nih loh thu tarlangin sorkarin lockdown a kalpui chhungin an pawl hmingin activity an nei lo tih leh, an pawl hminga lo vak chhuakte chu an hriatpui loh thu an tarlang a ni.

An pawl hminga lo che chhuakte chuan ngaihdam an dil an phut a, ngaihdam an dil lo a nih chuan dan anga an chunga action lak a nih pawhin an sawibuai thei dawn lo tih an pawl general secretary Dr Saidingpuii leh president Lalrozama Ralte-te hminga thuchhuah an siamah chuan an tarlang bawk.