Mizo Idol top 10 a hriat ta ; Thawhlehni zanah intihsiak leh dawn

Inrinni liam ta zan khan Mizo Idol Top 10 result puan a ni a, chung mite chuan naktuk zan hian intihsiakna an chhunzawm leh ang.

Mizo Idol season 7 top 10-ah hian mipa panga leh hmeichhe panga la tlingin chung mite chuan zan hnih inelna an hmachhawn leh anga, chuta ṭang chuan a ṭha zual panga judge-te leh mipuite'n an thlang chhuak leh dawn a ni. Thawhlehni zan leh Ningani zanah top 10-te hi an intihsiak leh dawn a, Thawhlehni zanah track nen zaiin, Ningani zanah Live band nen an zai ang. 

Dawrpui Multipurpose Hall lamah an intihsiak tawh thung dawn a, final thlengin he hmunah hian an intihsiak tawh ang. Zonet Zawlbuk leh Empai lamah intihsiakna hi an pe chhuak leh dawn a, mipui lam pawhin vote an nei leh dawn bawk.

Top 5 aṭang chuan Live band-in an pui tawh dawn a, intihsiakna pawh a hlu sawt dawn tihna a ni.