Dunkirk-in lawm a la hlawh zel

North America-ah chuan Harry Styles channa, Indopuii II behchhan film, Dunkirk chu mipui lawm hlawh a la ni zel a, a vawi hnih nan pakhatna a luah leh.

Christopher Nolan-a film, Dunkirk hian kar liam ta chhung khan North America aṭangin USD mtd 28.1 zet a hlawh chhuak leh a, hengte nen hian North America aṭangin USD mtd 102.8 zet a thawk chhuak tawh a ni. Kar hmasa leh lam aiin entu chu an tlem hle tawh nachungin film chhuak thar dangin an la pel thei lo a, kar hmasa leh lam aia entu tlemna hi zaa 44 zet a tling.

‘Emoji Movie’ chuan pahnihna a rawn luah. He film hian kar tawp chhung khan USD mtd 25.7 a thawk chhuak a, film budget aṭanga thlir chuan sum a lalut tlem hle a, senso chanve vel a hmu tling awrh chauh a, senso hi USD mtd 50 a ni. Film chhuak thar zinga thleng sang leh chu Atomic Blonde hi a ni a, USD mtd 18.6 a lalut. He film hi Charlize Theron channa a ni a, spy thriller a ni.

Box office movie

“Dunkirk” - $mtd 28.1

“The Emoji Movie” - $mtd 25.7

“Girls Trip” - $mtd 20.1

“Atomic Blonde” - $mtd 18.6

“Spider-Man: Homecoming” - $mtd 13.4

“War for the Planet of the Apes” - $mtd 10.4

“Despicable Me 3” - $mtd 7.7

“Valerian and the City of a Thousand Planets” - $mtd 6.8

“Baby Driver” - $mtd 4

“Wonder Woman” - $mtd 3.4