Chhinchhiah phu bik Harry Styles

One Direction aṭanga khawvel hriat Harry Styles hi a kalna apiangah hlawhtlinnain a ûmzui emaw tih mai tur a ni a, khawvel chanchin awm tawhah a hming hi sawi chhuah fo a ni tawh ang.

Khawvela chanchin awm tawha thleng zen zen lo Harry Styles chanchinah a thleng. Album a tichhuak a, chart-ah pakhatna a ni a, single a tichhuak a, chart-ah pakhatna a ni leh a, a channa film a chhuak a, box office-ah pakhatna a ni leh bawk. Hetiang mi hi an la awm lo a, a awm chhun a ni.

Harry Styles-a solo album ‘Sign of the Times’ chu Billboard album chart-ah pakhatna a luah a nih kha. He album hminga hla mal (single) a tihchhuah chu Billboard single chart-ah pakhatna a ni leh bawk.