Miss Teen USA Sophia Dominguez-Heithoff

Inrinni zan khan Miss Teen USA thlan a ni a, US state 51 aṭangin tleirawl chhe lo leh fing, pianthiam an kal khawm a, chung zingah chuan kum 17 mi, Missouri khawpui lian, Kansas City chhuak, Sophia Dominguez-Heithoff chu Miss Teen USA 2017-a thlan a ni.

Miss Teen USA hi Phoenix Symphony Hall, Arizona-ah neih a ni a, state 51 aṭanga contestant-te aṭangin mi 15 thlan chhuah an ni. Heng mite hi athletic wear leh evening gown hmanga an inel hnuah mi panga thlang chhuak lehin, chung mite chu finalist an ni.

Finalist-ah hian Sophia Dominguez-Heithoff bakah hian Miss Oregon Vanessa Matheson, Miss Nevada Alexis Smith, Miss California Jaanu Patel leh Miss Indiana Paige Robinson te an lang a, Sophia Dominguez-Heithoff hi Miss Teen USA atan thlan a ni ta a ni. Dominguez-Heithoff hi nikum miss, Karlie Hay chuan crown a khimtir. Kumin Favang aṭang hian University of Kansas-a zirna chhunzawm leh tur chauh a la ni.

Miss Teen USA hi kum 1983 aṭanga buatsaih ṭan kha a ni a, tun hi a vawi 35-na a ni. Kum 2007 aṭang khan TV-ah an live ngai ta lo a, a aiah Facebook leh platform dangah an a pulungin an stream thung.