Cara Delevingne UK Model sum lalut hnem ber

Kum 24 mi model, Cara Delevingne hi Bluebella-in UK-a model sum lalut hnem a tarlanah tuman an tluk pha ta lo. Bluebella hi lingerie brand a ni a, he brand hian eng angin nge an teh tih chiang takin an tarlang lo a, mahse an list-ah hian Cara Delevingne hi sum lalut hnem ber a ni.

Bluebella hian a tarlan dan chuan Cara Dele­vingne hian nikum chhung khan £ mtd 8 a thawk chhuak a, chu chu ni tin £ 22,000 thawk chhuak ang a ni. Hetianga sum a lakluh hnemna chhan zingah chuan Chanel leh Puma te nena an thawh ho vang a nih bakah cosmetic company, Rimmell nena an thawhdunna te a ni.

Bluebella hian social media lama a chet ṭhat avangin Cara Delevingne hi a fak hle. ‘Suicide Squad’-a Enchantress lema chang, kum 24 model hian Instagram-ah follower maktaduai 40 chuang a nei a, Twitter-ah makta­duai kua chuang zet a nei bawk. Hengte avang hian model hlawhtling a nih phah niin a tarlang.

Rosie Huntington-Whiteley chu he list-a sum lalut hnem pahnihna a ni a, kum khat chhungin £ mtd 6.5 a lalut. Jason Statham-a kawppui hian Kate Moss aiin £ mtd 1.5 zetin sum a lalut hnem zawk a, a sum lakluhna lian zingah ama puala lingerie line a nei te, swim leh beauty line a neihte hi a ni.