Amy Lee leh Lzzy Hale an zai dun dawn

Evanescence founder leh frontwoman Amy Lee chuan Instagram-a thlalak a dah-ah Halestorm singer Lzzy Hale nen an zai dun dawn tih a tarlang a, a fan-te'n an comment phur hle.

Zirtawpni lo awm turah hian YouTube kaltlanga buatsaih tur Raise Your Horns show-ah an inlan dun dawn a, an zai dun dawn bakah hian rockstar hmeichhe pahnih hi an inkawm dawn bawk.

Evanescence hi hun eng emaw chen an reh hnuah tun hnaiah thawm an rawn nei chho leh ṭan a, April 24 khan an album thara mi tur 'Wasted On You' chu single-a tichhuakin, an album thar tur 'The Bitter Truth'  hi kumin chhung ngeia tihchhuah hman an tum.