Honda BigWing Ṭhazual Lengzem ; Adama & Sangtei Renza 'Ngaih lungrun' a mawi ber e

Honda BigWing Ṭhazual Lengzem chart-ah Adama leh Sangteii thawhdunna hla 'Ngaih lungrun' chu pakhatna a ni.

Adama leh Sangteii hian mi hla eng emaw zat an 'cover' dun ṭhina, an tifuhin a lar pawh an larpui hle. A bikin English hla an cover-te phei chuan YouTube lamah thlirtu maktaduai chuang chuangte an nei hial ṭhin. Chutichuan, thla hmasa khan an tihdan phung thlakin anmahni pualin official music video 'Ngaih lungrun' hi an rawn tichhuak ta a, Valzotea hla niin music video hmuhnawm tak leh awmze nei tak nen an tichhuak. YouTube-a an dah aṭangin thla khat erh awrh chauh a la liam tihah chart-ah topper an ni der mai. An hla mawi tak hi i lo la ngaithla fuh lo a nih chuan Blue Wave Records YouTube channel lamah thlira ngaihthlak theihin a awm.

Kimkima x Gnie 'Ka ngai che' pawhin hma a rawn sawn chho chak hle a, pahnihna ni der tawhin Sangkimi Khiangte chuan 'Leng zawng zingah' chu top 3-ah a rawn inhlankaipui ve bawk.

Pando ft. Sammy 'Nang kher' chu palina a ni a, Lowdy ft. Francis 'Dam chhung' chu pathumna a ni thung.

Chart top 10-a lang zingah hian Siampuii Ralte, Menphy Ralte ft. Zauzauvi Zote, Bethseby Khithie ft Manaha, Rinfela leh Roger-te pawh an tel a ni.