BioShock: Netflix-in live-action movie siam dawn

Video game lar tak BioShock chu Netflix chuan live-action movie-ah an siam dawn tih kar hmasa khan an puangzar.

Streaming giant hian 'I Am Legend' director Francis Lawrence chu director turin inremna an siamfelpui tawh tih sawiin achangtu turte erawh an la tifel lo niin a lang.

February thla khan Netflix hian BioShock project chungchang hi an lo puangzar tawh a, an reh zui deuh vang vang hnuah kar hmasa lamah khan thuthar an rawn nei leh ta a ni. Director tura an biakfel tawh Francis Lawrence hi 'The Hunger Games: Catching Fire' leh 'Slumberland'-teah pawh khan inrawlh tawhin Bioshock-ah hian Logan, Blade Runner 2049, leh American Gods fame lama sulhnu ṭha tak lo hnutchhiah tawh 'Michael Green' nen an thawkdun dawn a, Green hian script a ziak ang.