The Registration: Sydney Sweeney leh Brad Fuller chang dawn

Madison Lawson lehkhabu ziah la tlangzarh loh, 'The Registration' chu film-a siam a ni dawn a, Euphoria star Sydney Sweeney leh Brad Fuller-te chu an chan dawn bakah produce tur zingah an tel dawn.

Sony Pictures chuan he lehkhabu hi film-a siam turin 'rights' a nei tawh a,' The Night House' writer- Ben Collins leh Luke Piotrowski-te chuan script an ziak dawn a ni. Sweeney hian he film hi a Fifty-Fifty Films kaltlangin a produce dawn a, Fuller will chuan a Fuller Media Brand kaltlangin a produce bawk ang.

Lawson chuan he lehkhabu hi September 27-ah a tlangzarh dawn chauh thung a ni.

Sydney Sweeney hi tunhnaiah a luck hle a, film eng emaw zat inlanna tur a nei dawn. Sony film tho, Spider-Man spin-off Madame Web-ah pawh Dakota Johnson nen an chang dun dawn a, tunhnai lawk khan a channa Tony Tost film 'National Anthem' pawh an chang zo chiah bawk.

Kum 24 mi lemchan thiam hi nakkum lamah a film channa panga vel chu tlangzarh hman a ni dawn bawk a, series lar tak 'Euphoria'-ah a chang mek bawk a ni.