Comedian zinga sum lalut hnem ber Jerry Seinfield

Forbes chuan nikum chhunga comedian zinga sum lalut hnemte a tarlang a, chung zingah chuan Jerry Seinfeld chuan sum a lalut hnem ber.

Jerry Seinfeld chu comedian ten sum lakluh lamah an pha lo a, amaherawhchu kum hmasa kha chuan pahnihna a ni. Seinfeld hian kum khat chhungin USD mtd 69 zet mai a lalut. Hetianga a sum lakluh a pun viau takna chhan ber chu Netflix nen thawhdunna an siam a, he thawhdunna hi USD mtd 20 hu zet a ni a, comedy special vawi hnih atan a ni. Hengte avang hian sum a lakluh hnem phah hle.

Sum lalut hnem ber pahnihna chu comedian lar tho Chris Rock a ni. Cartoon character, a bikin Madagascar-ah te pawh a aw kan ngaihthlak fo Chris Rock hian kum khat chhungin USD mtd 57 a lalut.

Louis CK chuan USD mtd 52 sum lalutin pathumna a ni a, Dave Chappelle chu palinaah awmin USD mtd 47 a lalut. He mite pahnih sum lakluh lama an ṭhan viauna chhan lian ber pakhat chu streaming service a ni. Amy Schumer chu panganaah a lang a, ani hian June 2016 aṭanga July 2017 chhungin USD mtd 37.5 a lalut. Ani hi hmeichhe comedian zinga sum lalut hnem ber a ni.

Forbes-in comedian sum lalut hnem 10 a tarlanah hian Kevin Hart chuan USD mtd 32.5 lalutin parukna a ni a, pasarihna hi USD mtd 30.5 laluttu Jim Gaffigan a ni. Terry Fator chuan USD mtd 18.5 a lalut a, Jeff Dunham chuan USD mtd 15.5 leh, Sebastian Maniscalco chuan USD mtd 15 a lalut.

1) Seinfeld hi Brooklyn, NYC-ah kum 1954 khan a piang
2) Kum 2007-a Bee film-ah khan a chang a, kum 2014-a tihchhuah Top Five-ah a chang bawk
3) Television lamah chuan kum 1992 leh 1999 khan Saturday Night Live chu episode pahnih a host tawh
4) TV-a a lanna langsar dang chu kum 2012 aṭanga tun thlengin Comedians in Cars Getting Coffee a host a, kum 2016-a chhuak Maya & Marty-ah a lang a, kuminah Mystery Science Theatre 3000-ah a lang bawk
5) Kum 2008-a Microsoft-in Windows an faknaah a lang a, hetah hian Bill Gayes nen an lang. He fakna aṭang hian USD mtd 10 a hlawh