Chance The Rapper-a’n naupangte Pathian biak dan a zirtir

Kum 24 mi, Grammy Award dawng thei khawpa rapper turu Chance The Rapper chuan Kids of the Kingdom programme-ah naupangte Pathian biak dan a zirtir.

Chance The Rapper hi charity lama a inhman nasat mai bakah naupangte summer school programme lamah a inhmang hle. Kids of the Kingdom pawh hi Covenant Faith Church of God, Chicago-in kum 1977 aṭanga a buatsaih ṭan tawh kha a ni a, hetah hian Chance hi a thawhhlawk pawl tak niin, a charity hmingin a tel nasa hle.

Chance The Rapper chuan, “Mi hian Pathian hi an hmuin an hrethiam emaw, an hrethiam lo emaw, an zawng emaw zawng lo emaw pawh nise, kei chuan mitin tan Pathian hi engkima engkim a ni tih hi ka ngaihdan a ni,” a ti.