SAWMTEA music video thar 'Hlimin ka zai'

Fakna hla satute zinga tunlaia thawm nei lian leh sawm hlawh Sawmtea chuan music video thar a rawn tichhuak dawn a, a music video thar tur hi ‘Hlimin ka zai’ tih a ni.

‘Hlimin ka zai’ hla hi Lalnunpuia Hrahsel phuah a ni a, video hi Milestone Picture kutchhuak niin, ariel shot pawh a khawih nghal. Gosen Recording Studio-a a record a ni.

Sawmtea hian hemi hma hian kumin tho hian music video a lo tichhuak tawh a, tuna mi hi kum­ina a hla pahnihna a ni. ‘A pe’ hlawhtlinpui a, larpuitu Sawmtea hla thar hi hla lungkuai lam pang a ni a, sak nuam, Mizo duhzawng tak tur a ni.

Hmachhawp eng emaw zat a la nei a, a hmachhawp zinga lian ber pakhat chu tuna a hla nen hi chuan a inpersan dawn hle niin a sawi. Hla ṭang ṭha tak, Mizo ṭhalaite duhzawng tur a ni. Tunah hian a hla thar tur hi a buaipui chho mek a, reiloteah kan hmuh thuai a rinawm.