Arcade Fire album thar beisei sang

Arcade Fire chuan album thar an tichhuak a, he album hi kar leha Billboard 200 chart puan leh turah chuan pakhatna a luah phak ngei rin a ni.

Arcade Fire album thar hi Everything Now tih a ni a, tunkar china an hralh tawh pawh equivalent album 95,000 zet a tling tawh. He album hi July 28 aṭanga hralh chhuah ṭan kha a ni a, expert-te chuan Billboard 200 chart-a pakhatna luah thei Arcade Fire album pathumna a nih ngei an ring. Pakhatna a luah chuan kumin chhunga rock album pakhatna luah thei pahnihna a ni ang. 

Kumin kum tir khan Linkin Park album thar ‘One More Light’ chu pakhatna a ni a, hemi hnua rock album pakhatna luah leh thei hmasa ber a ni thei a nih chu.