Pamela-i’n a fate model nih phal lo

Modelling industry hi eizawnna tling leh lian a ni a, mi tam takin he industry-a luh hi an châk a, an tum a, an bei. Mahse Pamela Anderson erawh chuan a fate chu model ni turin a phal ngai dawn lo thung.

Kum 50 mi Pamela Anderson hi model tho a ni a, a vanglai a pel tawh a, a hunlai chuan khawvela model lar, chanchinbu kâwm mawitu langsar a ni ṭhin. He model leh actress hlawhtling ṭhin hian a pasal hlui, Tommy Lee nen, an fate chu runway show lama inlan an phal lo. Tommy Lee nen hian kum 19 mi Dylan leh kum 21 mi Brandon te fa an nei.

Pamela Anderson hian, “He eizawnna kawngah hian kal lo se ka duh a, chutiang bawk chuan Tommy pawhin a duh. Naupang fel tak an ni a, lehkha zirna lamah an ṭha a, an thiam thei hle. Kan lo tih ṭhin ang ni lo thil dang an ti thei a ni tih hi hria se ka duh a ni,” a ti. Hman deuh khan an fapa naupang zawk Dylan chu Saint Laurent fashion campaign-ah a lang a, a hgnu lawkah a upa zawk Brandon chu Dolce & Gabbana faknaah a lang bawk. Hetianga modelling kaihhnawiha an lan avang hian Pamela hian modelling industry-a luh a phal lo tih hi a sawi chhuak a ni ber.