Bible behchhanin Matthew McConaughey-a'n a fa hming a sa

‘Dark Tower’-a a changtupa Matthew McConaughey chuan a fapa hmasa ber, Levi hming a sak chhan chu Bible-a a châng duh ber aṭangin a ni a ti.

McConaughey chuan Bible-a a châng duh ber chu Matthaia 6:22 thu, taksa khawnvar chu mit a ni tih châng kha a ni. A fapa hming a sak chhan a sawi a, ‘Matthaia hming dang chu Levia a ni a, ka Bible châng duh ber hi Matthaia ziakah a awm avangin, Matthaia hming dang, Levia chu ka fapa hmingah ka sa ta a ni,” a ti.

A fapa pian hun thleng hian a duh ang hun takah a piang niin a sawi. A fapa hi zing lam dar 6:22-ah chiah chiah a piang a, Bible-a a châng duh ber pawh Matthaia 6:22 a ni bawk. McConaughey hian film khawvela hlawhtlinna a rawn chan chhoh kha a rinna a pênsan a, kohhran pawh a bel ta lo. Camila Alves nen an inneih hnuah pawltharna chang lehin, tunah chuan Kristian ṭha tak a nih thu a tlangaupui fo ta a ni.