Zephyr Drama Club drama thar a hnai

Hun rei tak chhung thawm an nei loa, an reh hlen dawn ta mai emaw tih laiin Zephyr Drama Club chuan; hmu lo mah ila an awm ngei a ni tih hriatna turin thawm an rawn chhuah ta.

An thawm chu tisaah an chantir dawn ta! October 7 hian Dawrpui Multiputpose Centre-ah live-in stage ngeiah drama an chang dawn a, an drama hming tur chu 'ROPUI KHAWP MAI' tih a ni dawn. Ropui khawp mai!

Hall a len loh avangin an drama chan tur hi chu live chuan mi tlemte chauhin an en thei dawn a, mahse, lo mangang suh. Runmawi Apps lamah October 7 hian a duh apiang en theih turin an dah chhuak dawn tho.

Zephyr Drama Club hotupa Rotluanga chuan,"Kan drama chan tur hi nausen thla li chin tan en phal a ni lo. Nausen rilru tihnat kan hlau," tiin Vanglaini a hrilh a, eng lam hawi drama tak ni dawn ni maw? En a chakawm tawh viau mai.