Louis Tomlinson album thar November-ah

Louis Tomlinson chuan a solo album pahnihna tur 'Faith In The Future' chu November 11-ah a tlangzarh dawn.

One Direction star hlui hian a album thar tura hla awm turte pawh tichhuak tawhin hla 14 a awm dawn a, kum 2020-a a album tihchhuah 'Walls' chhunzawmna tur album chungchang hi Instagram kaltlangin a puangzar a ni.

"Ka album thar Faith In The Future chu November 11-ah a chhuak tawh dawn tih phur takin ka hrilh che u. Hun eng emaw chen he album hi ka lo nunpui tawh bawk a, in ngaihthlak hlan ka nghakhlel hle ani. Music ka duh ang siam min phalsak avangin ka lawm e," tiin post a siam.

'Faith In The Future' track-listing:
1. 'The Greatest'
2. 'Written All Over Your Face'
3. 'Bigger Than Me'
4. 'Lucky Again'
5. 'Face The Music'
6. 'Chicago'
7. 'Common People'
8. 'Out Of My System'
9. 'Angels Fly'
10. 'Saturdays'
11. 'Silver Tongues'
12. 'She Is Beauty We Are World Class'
13. 'All This Time'
14. 'That’s The Way Love Goes'