Buannel 'A mak a na'! Ni 15-ah show nei dawn

Mizorama K-Pop band IMFACT an rawn kal ṭuma show lo nei tawh Buannel band chuan an video hmasa ber an tichhuak. Buannel hi band thar lam tak ni lo mah se, video ang

zawng chuan hnuhma an la hnutchhiah tam lo hle. Tuna an lyrical video hi YouTube-ah pawh an dah chhuak ta. Buannel video tihchhuah hi tunhma deuh leh tun thleng pawha Mizo hla lar, Zosangliani'n a sak 'A mak a na' tih hla kha a ni. Tuna an video tihchhuah hi music video pangngai ni loin lyrical video a ni.

Buannel band hian a vawi khat nan anmahni pualin show an nei dawn. Tuna an video tihchhuah pawh hi an show neih tur pual a ni. He show hi RS Traders - Third Eye Solution presents Buannel Band I-Day Special Concert a ni a, tunlaia Mizo band zinga active tak Avora Records pawh he hunah an perform ang. Show hi August ni 15 zan hian Siby Farm-ah neih tur a ni a, zan dar 7 aṭangin show an ṭan dawn a, ticket pawh R.S. Drugs Store, Hospital Road-ah lei theih a ni.