Nicki Minaj-in nau a pai

Hmeichhe rapper lar kum 37 mi Nicki Minaj chuan nau a pai. Kenneth 'Zoo' Petty nupui Nicki hian a fa hmasa ber tur a pai mek a, instagram-ah a pum puarte pawh a tilang a ni. Minaj leh Petty-te hi naupan lai aṭanga inkawm tawh an ni a, kum 2018 aṭang khan an in-date ṭan a; nikum August thla khan inneihna license an dilin October 21 khan an innei. Nicki Minaj hian album pali a tichhuak tawh a, music chawimawina eng emaw zat dawng tawh bawkin chung zingah chuan  MTV Video Music Awards leh  Billboard Music Awards-te pawh a tel. Grammy awards-ah pawh nomination 10 lai a hmu tawh nghe nghe.