Ṭha tura beisei Huawei Honor 9

Chinese mobile company Huawei chuan Ho­nor 8 an tihchhuah hnuah Honor 9 an buaipui zui zel a, he phone hi tun September thla hi chuan an pho­chhuak thei tawh mai thei. A spec kimchang hriat tur awm lo mah se, Chinse-ho social media lamah chuan a spec tur ṭhenkhat hi a darh tawh.

Chinese-ho social media lar, Weibo-a tarlan a nih dan chuan Huawei 9 battery hi 4,900 mAh a ni dawn a, a RAM pawh 6GB a ni dawn an ti. Internal storage hi 64GB tur a ni a, a chipset-ah hian HiSilicon Kirin 965 hman a ni dawn a, he chipset hi phone danga la hman loh a nih avangin a ṭhat dan tur sawi thiam a har viau. Camera lam pawh a ṭhat leh hmel viau a, dual camera a ni ang a, a resolution hi 12MP ve ve tur nia sawi a ni. A man erawh chu tlawm tak a ni lo ang.