Helicopter-ah Jackie Chan a inkhai rei

He Asian actor hi a bon thei reng reng. Jackie Chan chuan Police Story 3-ah khan stuntman ruai loin, helicopter-ah minute 45 zet a inkhai tih tunhnai khan a sawi chhuak.

Martial artist hlawhtling Jackie Chan hian Police Story 3 an chan lai khan, stuntman hman a duh lo a, helicopter-ah minute 45 chhung zet a inkhai a ni. Hei bakah hian a movie thar ber ‘Kung Fu Yoga’-ah sakeibaknei tak tak bulah film a chang bawk.

Jackie Chan chuan sakeibaknei tak tak ni mah se Dubai lal chhungkaw zinga mi, Dubai lal fanute zinga mi vulh lai an ni a, heng sakeibakneite hi uluk taka zirtir an nih avangin an bula hun hman a, film chan pawh a hlauhawm loh niin a sawi. ‘Kung Fu Yoga’ film hi kumin January thlaa tihchhuah tawh kha a ni a, action adventure comdey film a ni. USD mtd 65 senga siam a ni a, USD mtd 254.2 zet a lalut.