Lehkhabu ziaktu lar Josephine Cox a thi

Britain author zinga lar ber leh lehkhabu pawh hralh hnem ber pawl Josephine Cox chu Zirtawpni liam ta khan kum 82 mi niin a thi tih nimin khan a publisher HarperCollins chuan a sawi. Indopui II-na hunlaia Blackburn-a piang Cox hian lehkhabu 60 aia tam a ziak tawh a, khawvel ram hrang hrangah copy maktaduai 20 chuang a lehkhabu ziah hi a hralh tawh a ni. Kum 1988 khan a lehkabu hmasa ber  Her Father's Sins chu a tlangzarh a, The Beachcomber, The Broken Man leh The Runaway Woman-te chu a lehkhabu ziah lar zual zingah a tel. A lehkhabu kumin February-a a tlangzarh Two Sisters phei chu Top Ten Sunday Times bestseller a ni hial.