Tunge Emma Stone? Harsatna aṭanga chhuaka hnehtu chu

Actress hlawhtling, Oscar pawh dawng thei, La La Land changtunu Emma Stone hian a nunah harsatna tam tak a lo tawk tawh a, anxiety leh panic attacks avangin harsatna a tawk nasa ṭhin. Chung zawng zawng chu hnehin, a hnehna lehkhabu hial pawh a ziak thei.

Kum 11 mi a nih thlenga kutzungpui fawh la chîng, actress Emma Stone hian rilru lamah harsatna nasa tak a tawk ṭhin. A chiai hma em em ṭhin a, panic attack a neih avangin eng emaw hlekah a hlauthawng hma ṭhin. Mahse a nuna harsatna hi inbawhbehtir reng a tum lo a, a bei let a, a hneh a, ‘I Am Bigger Than My Anxiety’ lehkhabu a ziah theih phah.

Film chan lam hi a kal hmasakna a ni lo. Naupang tê a la nih lai aṭang tawhin Emma Stone hian gymnastics a ti nasa thei hle a, a bân ruh pawh a tihtliah phah nghe nghe. Film lama a luh hma hian ui chaw siamna hmunah a thawk ve ṭhin. Journalism lam hi a tuina a ni ṭhin. Film lamah lut lo ta se chuan journalist a nih ngei a inring.

Game khelh nuam a ti ve hle a, Facebook-a Farmville game pawh a khel nasa. A khel nasa ta lutuk deuhin a inhria a, a FB a delete phah nghe nghe. Spice Girls a ngaisang em em a, an zingah Emma Bunton chu a duh ber a ni. Emma Stone hming dik tak hi Emily Jean Stone a ni a, Screen Actors Guild-a a inziah luh dawnin Emily Stone tia inziah luh a tum a, mahse hetiang hming pu hi an lo awm tawh avangin Emma Stone tiin a inziak ta a ni; kum 1988 Nov. 6-a piang a ni.