BMI President's Award dawngtu tur Ellie Goulding

2022 BMI London Awards-ah Ellie Goulding chuan BMI President's Award a dawng dawn.

October 3-a London Savoy Hotel-a sem turah hian rimawi leh hla phuah lama a thawkhlawk avangin Ellie Goulding hi chawimawi a ni dawn a, Jay Kay of Jamiroquai, Noel Gallagher, Imagine Dragons, Pink, leh Brian Wilson-te pawhin he chawimawina hi an lo dawng tawh a ni.

Kum 35 mi Goulding hian BMI Awards hi 15 lai a dawng tawh nghe nghe a, BMI Vice President Shirin Foroutan chuan Ellie Goulding an chawimawi thei tur chu an inchhuang hle tih sawiin a aw mawi tak leh midang ṭanpuina kawnga hlawk taka a thawh tawhna chuan mi tam tak nun a khawih hle tih a sawi bawk.