Luis Fonsi-a duh Drake emaw Jay-Z

‘Despacito’ avang­a khawvela zaithiam hriat hlawh ni ta mai Luis Fonsi chuan ‘Despacito’ remix hi a tir taka tihpui a châk chu Drake emaw Jay-Z emaw a ni.

Luis Fonso chuan a hma aṭangin remix version hi siam a, Jay-Z emaw Drake emaw nena remix a duh tih a sawi a, mahse a hnuah Justin Bieber an remix-pui ta zawk tih a sawi chhuak. “A tirah chuan hip-hop artist lam pang kan melh zâwk a, kan list-ah Justin hi a tel lo,” a ti.

Justin Bieber chu a rin aia a ropuizia a sawi chhuak a, “A tir chuan English veka ti tur ang thâlah ka inngai a, mahse Justin Bieber-a’n Spa­nish-a a sa ka hriat chuan thiam ka ti a, ropui ka ti hle a ni,” a ti.

Bieber-a chanchin a sawi chhunzawm nual a, mi fel tak niin a hria. “Van­tlang zinga kal chhuah hi a tan chuan thil harsa tak a ni ang tih ka hriat­thiampui; a kal theihna chin leh kal theih lohna chin turah khuahkhirhna nasa tak amahah hian a awm a ni. Mi fel leh kawm nuam tak a ni a, music lamah thutlukna siam dan a thiam em em a, a hun kal tawha a tihsual aṭangin a inzir a, a nunin hma a sawn phah hle a ni,” a ti.