Gionee-in A1Lite an phochhuak

A1Plus an tihchhuah hnu lawkah Gionee chuan India-ah an phone thar A1Lite chu an pho­chhuak leh ta. He phone hi Rs. 14,999 man a ni a, a man ngaih­tuahin a ṭha khawp mai.

A1Lite phone hian selfie camera a nei ṭha hle a, 20MP zet a ni a, a battery hi 4000 mAh a ni a, nimin aṭang khan India ram hmun hrang hrangah an zuar chhuak ṭan. A hmai hi inchi 5.3-a hlai a ni a, Gorilla Glass hmanga thuam a ni bawk.

A chhungril lam pawh a ṭha hle a, a processor hi octa-core 64-bit processor a ni a, a RAM hi 3GB a ni. Internal storage hi 32GB niin, microSD card, 256 GB thlenga lian a hmang thei bawk.

A front camera hi four-cell technology an tih mai nena thuam a ni a, êng a man hnem a, chu chuan selfie thlalak a tilang chiang lehzual hle. Fingerprint sensor a awm.