Vohbiki’n Mizoramah a album tlangzarh dawn

USA-a a tlangzarh tawh hnuah Vohbiki chuan a album ‘Fakna sang ber’ chu Mizoramah pawh tihchhuah a tum a, tlangzarhna hun hi September thlaa hman a ni ang.

Vohbiki album ‘Fakna sang ber’ hi July thla khan USA-ah audio album-in a tichhuak tawh a, Mizoramah hian music vi­deo album-a tih­chhuah a ni thung ang. Album hming put chhan hla ‘Fakna sang ber’ hi Pastor C. Saikhuma phuah a ni a, a thlûk hi C. Luri, Pastor C. Saikhuma fanu siam a ni. Music video siam kawngah pawh hian C. Luri leh a fanu Dingdingi ten an pui.

Album-ah hian hla 10 a awm a, Kristian Hla Bua mi ‘A saw raltiang tlangah’ tih a tel a, a bak zawng chu hla thar vek a ni. Pastor C. Saikhuma nupui, Biak­kungi Chhak­chhuak hla phuah ‘Horeb Lungpui Lian’ tih a awm bawk.