Avatar-ah Stephen Lang chang leh dawn

Avatar chhunzawmna tur buaipui chhoh ṭan a ni a, a changtu turte pawh tihchian chhoh mek a ni. A changtu tur tihchian tawh zingah Avatar 1-a misualpa ber lema chang Stephen Lang pawh a tel.

Stephen Lang hi kum 2009-a Avatar tihchhuahah khan misualpa ber lemah a chang a, a tawpah thi anga lantir a ni nachungin Avatar dang chhuak leh turah a chang leh dawn. An tinung leh dawn nge, thi anga a lan khan a thi leh lo zawk angin an lantir dawn tih erawh a hriat loh. Avatar 2 hi kum 2021-a tihchhuah tura ruahman a ni a, Avatar 3 leh 4 chu kum 2024 leh 2025-ah te tihchhuah a ni ang.