Drake album Siam thâwm a lian

Toronto, Canada-a OVO festival-ah Drake a inlan a, amah hi headliner a ni. Hetah hian album thar tur a buatsaih leh mek tih a puang chhuak.

Drake hian studio album ‘Views’ a tih­chhuah hnua a studio album puitling leh hmasa ber tur chu a buaipui mek tih a puang chhuak a, fans-te an lawmin au ri a ring hle. ‘Views’ hnu hian ‘More life’ album a ti­chhuak leh tawh a, mahse he album hi chu mixtape a ni. Drake hian studio a luhchilh leh mek tawh tih fan-te a hrilh.

‘Views’ hlawhtlinzia kan hria a, ‘More life’ pawh kha a neu lohzia kha. Darkar 24 chhungin Apple Music kaltlangin khawvelah vawi maktaduai 89.9 zet stream a ni nghal a, world record a siam nghal a nih kha. Spotify lamah pawh a dah chhuah aṭang darkar 24 chhungin stream an tam chur chur khawp a, he service-a ni khata album stream nasat ber a nih bawk kha.