Cindy Lalthanpuii Ṭhazual zingah a mawi ber
Praise On aṭanga sang lehzuala rawn invawrh, Cindy Lalthanpuii chu Hontrade Ṭhazual Fakna chart tihchhuahah a mawi ber a, Amtea a rawn phet thla.
Cindy Lalthanpuii hi Praise On-ah khan pathumna a ni a, hemi hnua a official music video hmasa ber ‘A mawi ber’ chu Hontrade Ṭhazual Fakna chart-ah pakhatnaah a rawn invawrh chho.
‘A mawi ber’ tih hla hi C. Vanlalvuana’n hmana Zoram puma a rawn larpui tawh kha a ni a, Cindy hian a rawn hlawhtlinpui ve leh thei. He hla hi July 3 khan top 10-ah a rawn invawrh kai a, pariatnaah bul a ṭan. July 17 khan panganaah a rawn kai a, July 31 kha chuan pahnihna a thleng der tawh a ni.
Pathumna aṭangin Temii Sailo chu pahnihnaah a rawn kai a, Parema hla ‘Hmangaihtu Isua’ chu palina aṭangin pathumnaah a rawn chho leh. He hla phuahtu Parema hian khawvel a chhuahsan ta a, a thihna hian a hla phuah ‘Hmangaihtu Isua’ hi a sang lamah a rawn vawrh chho leh a ni ber awm e.
Top 10 aṭangin Hlimhlimi hla ‘Inenfiah rawh’ tih chu a tawlh chhuak a, Miriam Lalnundiki hla ‘Kan Lalpa’ chu 10-naah a rawn lang thar thung.
Hontrade Ṭhazual Fakna
1 Cindy Lalthanpuii - A mawi ber
2 Temii Sailo - I thiam an hril
3 Parema Hla - Hmangaihtu Isua
4 Amtea - Ka hming a hria
5 TBC Zaithanpuia - Min ngaidam rawh
6 One In Christ - Chhum zin lohna
7 Grace Lalchhanhimi - Rawngbawl tura chhandam
8 Judith - Ka lungawi e
9 Adonai’s Choir - Ka van In
10 Miriam Lalnundiki - Kan Lalpa