Billboard 200-ah DAMN a rawn kir

US bikah chuan Ken­drick Lamar hi engti kawng mahin a dah hniam theih loh. Billboard 200 chart-ah a zawna pakhatna vawi thum a luah hnuah pa­hnihna, pathumna tih velah a kual a kual a, tunah chuan pakhatnaah a rawn kir leh ta.

Kendrick Lamar ‘DAMN’ chu Billboard 200 chart-ah pakhatnaah a rawn kir leh a, heti hian Billboard 200 chart-a vawi li pakhatnaa a awmna a ni. Kar liam ta chhung khan copy 47,000 zet mai a hralh leh a, kar tawp chhung khan US-a album mal hralh hnem ber a ni. Kumina album tihchhuaha pakhatna luah ngun ber pahnihna a ni. Pakhatna luah ngun ber chu The Weeknd album ‘Starboy’ kha a ni a, pakhatnaah vawi nga a ṭhu.

Brett Eldredge chuan a hming chawia album a tihchhuah ‘Brett Eldredge’ chu pahnihna a rawn nihpui. ‘Brett Eldredge’ album hi kar liam ta chhung khan copy 45,000 a hralh a, heng zinga 36,000 chu album pangngai kan tih ang kha a ni. DJ Khaled album ‘Grateful’ chu pathumnaah awmin copy 31,000 a hralh.

Billboard 200 chart

“DAMN.” - Kendrick Lamar (47,000)

“Brett Eldredge” - Brett Eldredge (36,000)

“Grateful” - DJ Khaled (31,000)

“Wins and Losses” - Meek Mill (31,000)

“Now 63” Compilation Album - Various Artists (31,000)

“Issa Album” - 21 Savage (29,000)

“Divide (division sign)” - Ed Sheeran (29,000)

“Evolve” - Imagine Dragons (28,000)

“Ctrl” - SZA (27,000)

“American Teen” - Khalid (27,000)