Lenovo K8 Note chhuak ta

Lenovo chuan an smartphone thar, dual camera chi chu a tichhuak ve leh ta. He phone hi Lenovo K8 Note a ni a, K6 hnung zuitu a ni.

K8 Note hi a ṭhat dan ngaihtuah chuan a to vak lo. He phone hi Rs. 12,999 man leh Rs. 13,999 man chi a awm a, Rs. 12,999 man chi hi 3GB RAM a ni a, a ROM hi 32 GB a ni. A man to zawk chi hi 4GB RAM a ni a, a ROM hi 64 GB a ni.

A hmai hi inchi 5.5-a hlai a ni a, FHD display a ni a, Corning Gorilla Glass hmanga a hmai hi tuam a ni. Processor lamah chuan deca-core MediaTek Helio X20 a hmang. A camera hi an chhuan pakhat chu a ni. A hma lam camera hi 13MP a ni a, LED flash a awm tel. Chuan a hnung lam hi dual camera a ni a, pakhat zawk hi 13MP a ni a, pakhat zawk hi 5 MP a ni; heng camera pahnih ṭangkawp hi a hnung lamah an thawk dun a, chuvang chuan a hnung lam camera phei chu a lak tlak viau dawn. A battery pawh a chhe lo hle a, 4,000 mAh a ni.