Bruno Mars-a’n USD mtd 1 a thawh

Inrinni zan khan Bruno Mars hi Auburn Hills, Michigan-ah a concert a, he concert-a sum a hmuh zawng zawngte The Community Foundation of Greater Flint hnenah a pe a, a sum pek hi USD mtd 1 zet niin, Flint khuain tui thianghlim in tur an neih theih nana hman tur a ni.

Kum 2014 khan Flint khua hian an khaw tui lakna, Detroit khaw tui lakna an ṭawm ṭhin chu Flint lui aṭangin an la hrang a, mahse an pipe hman chu a hlui a nih avangin an tui in turah mihring tana hlauhawm khawp suan (lead) hnuhma hmuh a ni. Hei vang hian hun eng emaw chen chu tui thianghlim in tur an neih loh phah a, tunah hian an tui lakna pipe hi thlak mek a ni a, kum 2020-ah khi chuan an thlak zo thei tura ngaih a ni.