MI6 channaah Cruise a inhliam

Mission: Impossible 6 chan leh mek a ni a, Tom Cruise chuan stuntman ruai duh hek lo, aman a ti vek mai a, mahse a inhliam phah ta thung.

Tom Cruise hi rigging aṭanga a bul hnai in chunga zuang thla tur a ni a, a zuang thlaa a zuan thlakna lamah hian a chesual a, a inhliam ta a ni. A chetsualnaah hian a ke rêka ruh pahnih a titliak nia sawi a ni a, hei vang hian Mission: Impossible 6 chan hun chhung pawh pawh sei a ngai a, a tlem berah Tom Cruise hi chawlhkar li chhung chu film a chan chhunzawm thei dawn lo.

MI 6 tihchhuah hun tur hi a hma aṭanga sawi chian lutuk loh a ni a, nakkum July thla vel khi beisei a ni. Tom Cruise a inhliam tak siah chuan hei aia an pawh tlai pawh a ngaih hmel ta hle.